Fýtbol: Qazaqstannyń sýper kýbogyn «Aqtóbe» men «Atyraý» ózara sarapqa salady
ASTANA. Aqpannyń 16-sy. QazAqparat /Ernur Aqanbaı/ - Naýryzdyń 14-de elordadaǵy «Astana-Arena» stadıonynda fýtboldan Qazaqstannyń sýper kýbogy sarapqa salynady.
Ony jeńip alý úshin ótken maýsymdaǵy el chempıony - Aqtóbeniń «Aqtóbe» jáne 2009 jylǵy Qazaqstan kýbogynyń ıegeri - Atyraýdyń «Atyraý» komandalary ózara sheberlik baıqasady, dep habarlaıdy QazAqparat.
Aıta keteıik, Qazaqstan Fýtbol federatsııasynyń bekitken erejesine sáıkes, Qazaqstannyń sýper kýbogyn Premer-Lıga komandalary arasynda jeńimpaz atanǵan jáne Qazaqstan kýbogyn jeńip alǵan komandalar ózara sarapqa salady. 2008/2009 jylǵy maýsymda Aqtóbe 26 oıynda 65 upaı jınap, el chempıony atanǵan bolatyn. Al, «Atyraý» bolsa fınalda Qaraǵandynyń «Shahter» komandasyn jeńip, byltyr Qazaqstan kýbogynyń ıegeri atandy.
