Fýtbol: Qazaqstannyń áıelder quramasy Shveıtsarııamen oınaıdy
ASTANA. Maýsymnyń 22-si. QazAqparat /Ernur Aqanbaı/ - Fýtboldan Qazaqstannyń áıelder quramasy 2011 jylǵy álem chempıonatynyń irikteý týrnıri aıasynda erteń, maýsymnyń 23-i kúni Shveıtsarııa quramasyn qabyldaıdy.
Bul bizdiń komandanyń irikteý týrnıri aıasyndaǵy altynshy kezdesýi bolmaq. Aıta keteıik, álem chempıonatynyń irikteý týrnıri aıasynda jerlesterimiz Reseı, Irlandııa, Shveıtsarııa jáne Izraıl quramalarymen birge 6-shy topta óner kórsetýde. Ókinishke qaraı, jerlesterimiz buǵan deıin ótkizgen bes matchtyń barlyǵynda jeńilip qaldy. Atap aıtqanda, olar birinshi oıynyn 2009 jylǵy qyrkúıektiń 24-de syrt alańda Irlandııa quramasymen ótkizip, 1:2 esebimen utyldy. Al, qazannyń 24-de ótken ekinshi kezdesýinde syrt alańda Izraılge 1:0 esebimen jol berdi. Qazannyń 29-da bolǵan úshinshi oıynynda óz alańynda Irlandııany qabyldap, taǵy da utylyp qaldy. Esep 1:2. Al, óz alańynda 2010 jylǵy naýryzdyń 28-de ótken tórtinshi kezdesýde Reseıden 0:6 esebimen oısyraı utyldy. Al, jaqynda ǵana, ıaǵnı maýsymnyń 19-da Astanada ótken besinshi kezdesýde Izraılden 0:1 esebimen jeńildi. Sóıtip, 5 oıynda áli birde-bir upaı jınamaǵan bizdiń komanda óz tobynda sońǵy orynda keledi.
