Fýtbol: Qazaqstannyń áıelder quramasy Reseımen bolatyn oıynǵa daıyndyǵyn bastady

Osy kúnderi bizdiń komanda Shymkentte daıyndalyp jatyr, dep habarlaıdy QazAqparat.

Qazaqstan Fýtbol federatsııasynyń málimetinshe, Reseı quramasymen bolatyn oıyn naýryzdyń 28-de Taldyqorǵandaǵy «Jetisý» stadıonynda ótedi.

Aıta keteıik, álem chempıonatynyń irikteý týrnıri aıasynda jerlesterimiz Reseı, Irlandııa, Shveıtsarııa jáne Izraıl quramalarymen birge 6-shy topta óner kórsetýde. Joǵarydaǵy bizdiń komandanyń irikteý týrnıri aıasyndaǵy úshinshi oıyny bolmaq. Bizdiń komanda birinshi oıynyn 2009 jylǵy qyrkúıektiń 16-da syrt alańda Irlandııa quramasymen ótkizip, 1:2 esebimen jeńilip qaldy. Al, ekinshi kezdesýin qazannyń 24-de syrt alańda Izraılmen ótkizip, 1:0 esebimen ese jiberdi.