Fýtbol: Qazaqstannyń áıelder quramasy Izraılden jeńilip qaldy
ASTANA. Qazannyń 26-sy. QazAqparat /Ernur Aqanbaı/ - Fýtboldan Qazaqstannyń áıelder quramasy 2011 jylǵy Álem chempıonatynyń irikteý týrnıri aıasynda ekinshi oıynyn syr alańda Izraılmen ótkizip,
1:0 esebimen jeńilip qaldy, dep habarlaıdy QazAqparat.
Osylaısha irikteý týrnıri sheńberinde qatarynan ekinshi márte jeńilgen bizdiń komanda, ózi synǵa túsip jatqan 6-shy topta sońǵy orynda keledi. Aıta keteıik, birinshi oıynda jerlesterimiz qyrkúıektiń 16-da syrt alańda Irlandııa quramasyna 2:1 esebimen ese jibergen bolatyn. Fýtbolshylarymyz kelesi oıynyn qazannyń 29-da Taldyqorǵanda Irlandııamen ótkizedi. 6-shy topta joǵarydaǵy komandalardan bólek Reseı men Shveıtsarııa synǵa túsýde.
