Fýtbol: Qazaqstannyń 2017 jylǵy chempıonaty qorytyndylandy
ASTANA. QazAqparat - Fýtboldan 2017 jylǵy Qazaqstan Premer-lıgasynyń qorytyndy kezdesýleri ótti, dep habarlaıdy «QazAqparat» HAA tilshisi.
Tartysty ótken qorytyndy 33-týrda eki birdeı ortalyq kezdesýdiń kýási boldyq. «Astana Arenada» «Aqjaıyqty» jeńgen «Astana» qatarynan tórtinshi jyl qatarynan Qazaqstan chempıony boldy. Al Almatynyń «Qaıraty» «Aqtóbe» komandasyn utyp, ekinshi orynda qaldy.
Keler jylǵy Eýropa lıgasynyń irikteý kezeńine beriletin joldamaǵa talasqan «Ertis» pen «Tobyl» da úsh upaıdan enshiledi. Pavlodarlyqtar Qaraǵandynyń «Shahteryn» 1:0, al Qostanaıdyń «Tobyly» «Atyraýdy» 2:0 esebimen jeńdi. 48 upaı jınaǵan «Ertis» keler jyly jazda eýrokýboktarǵa qatysatyn boldy. Al qostanaılyqtar 47 upaımen 5-oryndy ıelendi.
«Ordabasy» da óz alańynda kezekti úsh upaıyn aldy, bul joly shymkenttikterge «Oqjetpes» 3:2 esebimen jeńildi. 58 upaımen «Ordabasy» úshinshi orynǵa turaqtady.
«Tarazǵa» qonaqqa barǵan Qyzylordanyń «Qaısary» 0:1 esebimen jeńip, 42 upaımen altynshy oryndy ıelendi.
Týrnır kestesiniń qalǵan oryndary tómendegishe qorytyndylandy:
7. «Shahter» - 40 upaı;
8. «Atyraý» - 35 upaı;
9. «Aqtóbe» - 33 upaı;
10. «Aqjaıyq» - 30 upaı;
11. «Taraz» - 26 upaı;
12. «Oqjetpes» - 24 upaı.
