Fýtbol: Qazaqstannyń 19 jasqa deıingi jastar quramasy Gollandııadaǵy halyqaralyq týrnırde 8-oryndy enshiledi
ALMATY. 28 mamyr. QazAqparat - Gollandııanyń Gaag qalasynda 24-27 mamyr kúnderi fýtboldan jastar arasynda «Ado den Haag» fýtbol komandasynyń rezerv mektebiniń uıymdastyrýymen 59-shy halyqaralyq týrnır ótti.
Atalmysh jarysta el namysyn 19 jasqa deıingi jastar quramasy qorǵady.
Neboısha Mılıchıch jattyqtyratyn qazaqstandyq aıaqdopshylar keshe 7-oryn bolǵan aqtyq oıynda Ulybrıtanııanyń «Manchester Sıtı» komandasyna 3:0 esebimen ese jiberdi. Oǵan deıin toptyq kezeńde 25 mamyrda 20 jasqa deıingi Meksıka quramasyna 3:0, 26 mamyrda Belgııanyń «Brýgge» komandasyna 5:1, Germanııanyń «Borýssııa» komandasyna 2:0 bop utylǵan bolatyn.
Bul básekede «A» tobynda «Ado den Gaag», «Manchester Sıtı», «Krýzeıro», Shotlandııa (U-20), al «V» tobynda Qazaqstan (U-19), Meksıka (U-20), «Brıýgge», «Borýssııa» komandalary óner kórsetken edi.
