Fýtbol: Qazaqstandyq jastar halyqaralyq týrnırdi jeńispen bastady
NUR-SULTAN. QazAqparat - Fýtboldan 21 jasqa deıingi Qazaqstan jastar quramasy Túrkııada ótip jatqan Antalya Cup-2021 halyqaralyq týrnırinde alǵashqy oıyndy Soltústik Makedonııa jastaryna qarsy ótkizdi, dep habarlaıdy QazAqparat tilshisi.
Qazaqstandyq jastarǵa belgili maman Qaırat Nurdáýletov jetekshilik etedi.
Quramamyz atalǵan týrnırde úsh oıyn ótkizedi. Búgingi kezdesýde olar jınaqy qımyl kórsetti. Nátıjesinde qarsylastar qaqpasy mańynda jıi shabýyldady. Qazaqstandyqtar 56, 73-mınýttarda gol soqsa, oǵan qarsylastar 80-mınýtta bir golmen jaýap qaıyrdy. Qorytyndysynda Qazaqstan quramasy Soltústik Makedonııany 2:1 esebimen tize búktirdi.
Endi el sportshylary eki kezdesý ótkizedi. Aldymen 26 naýryzda Bolgarııa jastarymen synǵa tússe, odan keıin 29 naýryzda Ózbekstan quramasymen sheberlik baıqasady.
