Fýtbol: Qazaqstan jastary Soltústik Makedonııamen kezdesedi
NUR-SULTAN. QazAqparat - Búgin 21 jasqa deıingi jastar arasynda 2021 jylǵy Eýropa chempıonatyna irikteý satysynda Qazaqstan jastar quramasy óz alańynda Soltústik Makedonııamen kezdesedi, dep habarlaıdy QazAqparat tilshisi.
Oıyn elorda ýaqytymen 17.00-de bastalady. Kezdesý «Qazsport» telearnasynan tikeleı efırde kórsetiledi.
Bul oıyn qos qurama úshin de sheshýshi kezdesý bolyp otyr. Eki qurama da týrnır kestesinde 10 upaımen ekinshi jáne úshinshi oryndardy ózara bólisip tur. Kósh basynda 16 upaımen Ispanııa quramasy keledi.
Búgingi kezdesýde jeńgen qurama týrnır kestesindegi jaǵdaıyn jaqsarta túsedi. Jarys erejesi boıynsha irikteý kezeńinde toǵyz topta jeńimpaz bolǵandar jáne úzdik nátıje kórsetken ekinshi oryndaǵy bir qurama fınaldyq kezeńge tikeleı joldama alady. Ekinshi oryndaǵy qalǵan segizi ózara qalǵan tórt joldamany ózara sarapqa salady. Taǵy eki joldama jarys qojaıyndary - Vengrııa men Slovenııaǵa beriledi.
Іrikteý satysyn qazaqstandyq fýtbolshylar sátti bastady. Aldymen syrt alańda Farer araldaryn 3:1, Chernogorııany 2:1 esebimen súrindirdi. Odan keıin óz alańynda Ispanııadan 0:1, Izraılden 1:2 esebimen jeńilip qaldy. Al besinshi kezdesýinde Soltústik Makedonııamen 1:1 esebimen teń tarqasty. Al altynshy oıynda óz alańynda Chernogorııaǵa 0:4 esebimen jeńildi. Odan keıin syrt alańda Izraılden 2:1 esebimen basym túsip, týrnır kestesindegi jaǵdaıyn jaqsartty.
