Fýtbol: Qazaqstan jastary Soltústik Makedonııadan jeńildi
NUR-SULTAN. QazAqparat - Búgin 21 jasqa deıingi jastar arasynda 2021 jylǵy Eýropa chempıonatyna irikteý satysynda Qazaqstan jastar quramasy óz alańynda Soltústik Makedonııany qabyldady, dep habarlaıdy QazAqparat tilshisi.
Búgingi oıynǵa deıin eki quramanyń týrnır kestesindegi jaǵdaıy birdeı boldy. Ekeýi 10 upaımen ekinshi jáne úshinshi oryndardy ózara bólisti. Jeńgeni ekinshi orynǵa kóteriletin.
Kezdesý qazaqstandyq jastar úshin sátsiz bastaldy. Birinshi kezeńniń 38-mınýtynda Soltústik Makedonııa oıynshysy Darko Chýrlınov esep ashty. Al 41-mınýtta ıAnı Atanasov esepti ústemeleı tústi.
Ekinshi kezeńniń basynda qonaqtar sapynan Darko Chýrlınov óziniń kezdesýde ekinshi goldyń avtory atandy. Budan keıin qazaqstandyq quramadan Oralhan Ómirtaev 52-mınýtta esep aıyrmasyn qysqartqan edi.
Oıynnyń 67-mınýtynda qonaqtar qatarynan Dımıtar Mıtrovskı mergendik tanytty. Osylaısha makedon fýtbolshylary 4:1 esebimen jeńiske jetti.
Endi Qazaqstan jastar quramasy eki oıyn ótkizedi. Aldymen 13 qazanda syrt alańda Ispanııamen kezdesip, 17 qarashada Farer araldaryn qabyldaıdy.
