Fýtbol: Qazaqstan jastary Shotlandııaǵa ese jiberdi
NUR-SULTAN. QazAqparat - Fýtboldan 21 jasqa deıingi Qazaqstan jastar quramasy 2023 jylǵy Eýropa chempıonaty irikteý kezeńinde besinshi oıynyn Shotlandııaǵa qarsy ótkizdi, dep habarlaıdy QazAqparat tilshisi.
Atalǵan kezdesý Shotlandııanyń Dandı qalasynda ótkizildi. Esepti 28-mınýtta alań ıeleri qatarynan Lıýıs Fıorını ashty. Odan keıin 56-mınýtta Glenn Mıddlton esepti ústemeleı tústi.
Oǵan 71-mınýtta qazaqstandyq Maksım Samorodov bir golmen jaýap qaıyrdy.
Eske salsaq, budan buryn qazaqstandyq jastar óz jáne syrt alańda Belgııadan 1:3, 0:2 esebimen ese jiberdi.
Sondaı-aq, óz alańynda Danııa men Túrkııaǵa 0:1 esebimen ese jiberdi.
Endi qazaqstandyq jastar 2022 jyldyń 29 naýryzynda óz alańynda Shotlandııamen qarymta oıyn ótkizse, 4, 10 maýsym kúnderi Danııa men Túrkııamen jasyl alańǵa shyǵady. Qazaqstan jastary I topta synǵa túsedi. Bas bapkeri - qazaqstandyq maman Qaırat Nurdáýletov. Dop dodasynyń irikteý kezeńi 2021 jyldyń naýryz aıynan 2022 jyldyń maýsymyna deıin ótedi.
