Fýtbol: Qazaqstan jastary Izraılden jeńildi
NUR-SULTAN. QazAqparat - Búgin fýtboldan 2021 jylǵy Eýropa birinshiligine irikteý kezeńi sheńberinde jastar arasynda kezekti oıyndar ótkizildi. Dúbirli dodada altynshy topta synǵa túsetin Qazaqstan jastary búgin elordada Izraıldi qabyldady, dep habarlaıdy QazAqparat tilshisi.
Búgingi kúnge deıin altynshy topta qazaqstandyq fýtbolshylar úsh oıyn ótkizip úlgerdi. Aldymen syrt alańda Farer araldaryn 3:1 esebimen tize búktirse, odan keıin Chernogorııadan 2:1 esebimen basym tústi. Al 6 qyrkúıekte óz alańynda Ispanııa quramasyna 0:1 esebimen jol berdi.
Qazirgi tańda Qazaqstan týrnır kestesinde úsh oıynnan keıin kósh basynda tur. Sondyqtan upaı qoryn molaıtý jarystyń fınaldyq satysyna joldama alý múmkindigin ulǵaıta túsedi.
Búgingi kezdesýde ızraıldik fýtbolshylar jyldam gol soǵyp ketti. Aldymen Izraıl sapynan 2-mınýtta Eılon Haım esep ashty. Al 22-mınýtta tarazy basy teńesti. Ony qazaqstandyq qurama sapynan Vıacheslav Shvyrev oryndady. Qarsylastarymyz oıynnyń 82-mınýtynda taǵy alǵa shyqty. Bul gol Tomer ıÝsefıdiń enshisine jazyldy.
Aıta keteıik, búgin sondaı-aq, altynshy topta Soltústik Makedonııa men Farer araldary, Ispanııa men Chernogorııa kezdesedi.
Qazaqstan quramasy endi 15 qazanda syrt alańda Soltústik Makedonııa jastarymen oınaıdy.
