Fýtbol: Qazaqstan jastary Ispanııaǵa ese jiberdi
NUR-SULTAN. QazAqparat - Búgin 21 jasqa deıingi jastar arasynda 2021 jylǵy Eýropa chempıonatyna irikteý satysynda Qazaqstan jastar quramasy syrt alańda Ispanııamen kezdesti, dep habarlaıdy QazAqparat tilshisi.
Esterińizge sala ketelik, qos qurama altynshy topta synǵa túsip jatyr. Qarsylastary - Soltústik Makedonııa, Izraıl, Chernogorııa jáne Farer araldary.
Qazirge deıin 7 oıynnan keıin Ispanııa jastary 19 upaımen birinshi orynda turdy. Al qazaqstandyq jastar 8 oıynnan keıin 10 upaımen tórtinshi orynǵa turaqtady.
Aıta keterligi, alań ıeleri búgin jeńiske jetken jaǵdaıda jarystyń fınaldyq kezeńine joldamany jeńip altyn edi.
Ispanııa jastary sol degenine jetýge bar kúshin saldy. Birinshi kezeńde birneshe qaýipti sátterdi uıymdastyrdy. Degenmen tablodaǵy esep ózgergen joq.
Ekinshi kezeńniń 65-mınýtynda ıspandyq Ýgo Gılıamon esep ashsa, 71, 83-mınýttarda Danıel Gomes mergendik tanytty. Oıynda Ispanııa 3:0 esebimen jeńiske jetti.
Qazaqstan jastary endi 17 qarashada óz alańynda Farer araldaryn qabyldaıdy.
Іrikteý satysynda qazaqstandyq jastar ala-qula oıyn kórsetti. Aldymen syrt alańda Farer araldaryn 3:1, Chernogorııany 2:1 esebimen súrindirdi. Odan keıin óz alańynda Ispanııadan 0:1, Izraılden 1:2 esebimen jeńilip qaldy. Al besinshi kezdesýinde Soltústik Makedonııamen 1:1 esebimen teń tarqasty. Altynshy oıynda óz alańynda Chernogorııaǵa 0:4 esebimen jeńildi. Odan keıin syrt alańda Izraılden 2:1 esebimen basym tústi. Jetinshi oıynda óz alańynda Soltústik Makedonııaǵa 1:4 esebimen ese jiberdi.
