Fýtbol: Qazaqstan jastary Belgııaǵa jol berdi
NUR-SULTAN. QazAqparat - Fýtboldan 21 jasqa deıingi Qazaqstan quramasy 2023 jylǵy Eýropa chempıonatyna irikteý kezeńindegi alǵashqy oıynyn Belgııaǵa qarsy ótkizdi, dep habarlaıdy QazAqparat tilshisi.
Atalǵan kezdesý Aqtóbe qalasynda ótti. Qazaqstandyq belgili maman Qaırat Nurdáýletov jetekshilik etetin jastar quramasy qarsylastaryna 1:3 esebimen jol berdi. Belgııalyqtar sapynan Kılın Sardella - 28, Amadý Onana - 45, Loıs Openda 75-mınýttarda soqqan goldarǵa qazaqstandyq Abylaıhan Jumabek 43-mınýtta jalǵyz golmen jaýap qaıyrdy.
Aıta keteıik, Qazaqstan jastar quramasy I tobynda synǵa túsedi. Qarsylastary - Belgııa, Danııa, Shotlandııa, Túrkııa quramalary.
Jastar endigi oıynyn 7 qyrkúıekte óz alańynda Danııaǵa qarsy ótkizedi.
Eske sala keteıik, búgin Qazaqstan ulttyq quramasy Soltústik Makedonııamen joldastyq kezdesý ótkizýde.
