Fýtbol: Qazaqstan jastary Belgııadan ekinshi márte jeńildi
NUR-SULTAN. QazAqparat - Búgin 21 jasqa deıingi jastar arasynda fýtboldan 2023 jylǵy Eýropa chempıonaty irikteý satysynda Qazaqstan úshinshi oıynynda Belgııamen kezdesti, dep habarlaıdy QazAqparat tilshisi.
Eske salsaq, Qazaqstan jastary I tobynda synǵa tústi. Qarsylastary - Belgııa, Danııa, Shotlandııa jáne Túrkııa quramalary.
Búgingi kezdesýde belgııalyq fýtbolshylar qazaqstandyq qurama qaqpasyna jaýapsyz eki gol soqty. Ony Loıs Openda 61, Iorbe Vertessen 84-mınýtta óziniń enshisine jazdy.
Osylaısha Qazaqstan jastary qarsylasynan 0:2 esebimen jeńilip qaldy.
I tobynda 3 oıynnan keıin 9 upaı jınaǵan Belgııa kósh bastap keledi. Ázirge upaı enshileı almaǵan Qazaqstan besinshi orynda tur.
Endi jastarymyz elordada 12 qazanda óz alańynda Túrkııamen jasyl alańǵa shyǵady.
Budan buryn olar 4 maýsymda óz alańynda Belgııadan 1:3 esebimen jeńilse, 7 qyrkúıekte Danııaǵa 0:1 esebimen jol berdi.
