Fýtbol: Qazaqstan jastar quramasy Estonııa jáne Fınlıandııamen oınaıdy
ASTANA. QazAqparat - Qazaqstan jastar quramasynyń fýtbolshylary naýryz aıynyń sońynda eki joldastyq match ótkizedi. Bul týraly Qazaqstan fýtbol federatsııasynyń baspasóz qyzmetinen habarlandy.
Saýlıýs Shırmıalıs shákirtteri 25 naýryzda Helsınkıde Fınlıandııa jastar quramasymen, al 30 naýryzda Tallınde Estonııa fýtbolshylarymen kezdesedi. «Biz skandınavııalyq oıyn úlgisin dáripteıtin komandalarmen oınamaqpyz. Fınlıandııa - bul Norvegııa quramasmynyń shaǵyn kóshirmesi, biz olarmen EÝRO-2017 irikteý týrnırinde kezdesemiz. Dál osyndaı oıyn úlgisin estonııalyq fýtbolshylar da usynady», - deıdi qarsylastardy tańdaýǵa qatysty túsinik bergen Qazaqstan jastar quramasynyń aǵa jattyqtyrýshysy Saýlıýs Shırmıalıs.
Eske sala keteıik, Qazaqstan jastar quramasy EÝRO-2017 irikteý týrnırinde Anglııa, Norvegııa, Shveıtsarııa, Bosnııa jáne Gertsegovınamen bir topta oınaıdy.
