Fýtbol: Qazaqstan jastar quramasy alǵashqy oıynda Belgııamen kezdesedi
NUR-SULTAN. QazAqparat - Fýtboldan 21 jasqa deıingi Qazaqstan jastar quramasy 2023 jylǵy Eýropa chempıonaty irikteý kezeńiniń alǵashqy oıynynda Belgııamen kezdesedi, dep habarlaıdy QazAqparat tilshisi Qazaqstan fýtbol federatsııasyna silteme jasap.
Aıta ketsek, bul oıyn 4 maýsymda óz alańynda bolady. Odan keıin 8 maýsymda Túrkııany qabyldaıdy. Óz alańynda 7 qyrkúıekte Danııamen sheberlik baıqasady.
Odan keıingi eki oıyndy 8 qazanda Belgııaǵa, 12 qarashada Shotlandııaǵa qarsy ótkizedi. Al 2022 jyldyń 29 naýryzynda óz alańynda Shotlandııamen qarymta oıyn ótkizse, 4, 10 maýsym kúnderi Danııa men Túrkııamen jasyl alańǵa shyǵady.
Qazaqstan jastary I topta synǵa túsedi. Bas bapkeri - qazaqstandyq maman Qaırat Nurdáýletov.
Dop dodasynyń irikteý kezeńi 2021 jyldyń naýryz aıynan 2022 jyldyń maýsymyna deıin ótedi.
