Fýtbol: Qazaqstan jasóspirimder quramasy Slovakııada ótetin týrnırge qatysady
ASTANA. QazAqparat - 2000 jylǵy fýtbolshylardan quralǵan Qazaqstan jasóspirimder quramasy «Slovakia Cup-2018» halyqaralyq týrnırine qatysady, dep habarlaıdy QazAqparat tilshisi.
fýQR Fýtbol federatsııasynyń baspasóz qyzmeti taratqan málimetterge súıensek, «Slovakia Cup-2018» halyqaralyq týrnıri 7-11 mamyr aralyǵynda Trnava qalasynda ótedi. Jarysqa 8 qurama qatysady. Olar eki topqa bólingen. Bizdiń qurama «V» tobynda AQSh, Chehııa jáne Ýkraına quramalarymen oınaıdy.
Aǵa bapker Aleksandr Kýznetsov shákirtteri qazirgi ýaqytta Talǵarda oqý-jattyǵý jıynyn ótkizip jatyr.
«Slovakia Cup-2018» týrnırindegi Qazaqstan jasóspirimder quramasynyń oıyn kestesi:
7 mamyr. AQSh - Qazaqstan
8 mamyr. Chehııa - Qazaqstan
10 mamyr. Qazaqstan - Ýkraına
Oqý-jattyǵý jıynyna shaqyrylǵan fýtbolshylar:
Qaqpashylar: Oleg Medvedev, Vladıslav Saenko (ekeýi de - «Astana»), Danıl Ýstımenko («Qaırat»)
Qorǵaýshylar: Álim Іlııasov, Saǵı Sovet, Ádiljan Dúısembaev (barlyǵy - «Astana»), Dinmuhammed Qashken («Jetisý»), Beksultan Shámshi («Ordabasy»), Sanjar Áıtim («Ertis»), Taıyr Nurseıitov («Shahter»)
Jartylaı qorǵaýshylar: Jasulan Qaıyrkenov, Rýslan Mahan, Lev Skvortsov (barlyǵy - «Astana»), Bekzat Imanǵazeev (Akademııa «Ońtústik»), Arman Keńesov («Irtysh»), Nurbol Nurbergen («Jetisý»), Dinmuhamed Qaraman («Taraz»), Dmıtrıı Savchenko («Qyzyl-Jar SK»).
Shabýylshylar: Maksım Vaganov («Ordabasy»), Vladıslav Prokopenko («Astana»).
