Fýtbol: Qazaqstan jasóspirimder quramasy halyqaralyq týrnırde ekinshi orynǵa ıe boldy
NUR-SULTAN. QazAqparat – Fýtboldan Qazaqstan jasóspirimder quramasy Mınskide ótken «Damý kýbogy» halyqaralyq týrnırinde ekinshi orynǵa ıe boldy, dep habarlaıdy QazAqparat tilshisi.
Qazaqstandyqtar sońǵy oıynda Moldova quramasyn 5:0 esebimen tas-talqan etti.
Kırıl Morýnov shákirtterinen, ásirese, shabýylshy ıAn Trýfanov erekshe kózge túsip, het-trıktiń avtory atandy.
Sondaı-aq Gleb Valgýshev pen Mıras Omataı bir-birden gol soqty.
Munyń aldynda qazaqstandyqtar bastapqy kezdesýinde Tájikstan quramasyna 1:7 esebimen (jalǵyz goldyń avtory Nıkıta Gýbarev) utylǵan edi. Degenmen ekinshi matchta alań ıeleri – Belarýs quramasyn 4:2 esebimen (gol avtorlary: Mıras Omataı, Ámiráli Orazbek, Ámir Temirǵalı jáne ıAn Trýfanov) tize búktirdi.
Qazaqstan fýtbol federatsııasy málim etkenindeı, osy eki jeńistiń arqasynda jasóspirimder quramasy halyqaralyq týrnırdiń kúmis júldesine ıe boldy.
