FÝTBOL: Qazaqstan jasóspirimder quramasy Grýzııadan basym tústi
ASTANA. QazAqparat - Bapker Mıhaıl Solovevtiń jetekshiligimen Qazaqstannyń fýtboldan jasóspirimder quramasy Grýzııada oqý-jattyǵý jıyndary aıasynda jergilikti komandamen kezdesý ótkizip, 2:1 esebimen basym tústi, dep habarlaıdy Qazaqstannyń fýtbol federatsııasynyń baspasóz qyzmetinen.
Qazaqstandyq fýtbolshylar oıyn barysynda jeńilip jatyp, úlken yjdaǵattylyqtyń arqasynda esepti teńestirip qana qoımaı, tipti alǵa shyǵyp ketti. Bizdiń komanda sapynan Abdenabı men Jalmuqan gol avtorlary atandy.
Komanda quramynda Trofımets, Ábilov, Ǵanıev, Muqanov, Arıpov, Abdenabı, Smatov, Manekeev, Gladchenko, Erken, Qabdenov syndy oıynshylar alańǵa shyqty.
Almastyrýǵa shyqqandar: Alahanov, Sultanov, Imınov, Pertsýh, Jalmuqan, Shámshi boldy.
