Fýtbol: Qazaqstan jasóspirimder quramasy Belarýsten basym tústi

NUR-CULTAN. QazAqparat - Fýtboldan 17 jasqa deıingi jasóspirimder quramasy Belarýs jerinde ótip jatqan Damý kýbogynyń ekinshi oıynynda jeńiske jetti, dep habarlaıdy QazAqparat tilshisi klýbtyń baspasóz qyzmetine silteme jasap.

Esterińizge sala ketelik, budan buryn qazaqstandyq fýtbolshylar alǵashqy týrda Tájikstan quramasyna 1:7 esebimen oısyraı jeńilgen edi. Sol ketken eseni búgingi oıynda qaıtardy.

Qazaqstandyqtar Belarýs eliniń 16 jasqa deıingi jasóspirimder quramasyn 4:2 esebimen tize búktirdi. Birinshi kezeńde olar qarsylastar qaqpasyna jaýapsyz tórt gol soqty. Mıras Amantaev 96, Ámiráli Orazbek 23, Ámir Temirǵalı 40,ıAn Trýfanov 45-mınýttarda mergendik tanytty. Al Belarýs jasóspirimderi oǵan 89 jáne tóreshi qosqan qosymsha ýaqytta eki golmen jaýap qaıyrdy.

Atalǵan toptaǵy Tájikstan (U17) fýtbolshylary Moldova (U16) órenderin 5:1 esebimen súrindirdi.

Eki týrdan keıin alty upaı jınaǵan Tájikstan (U17) kósh basynda tur. Odan keıingi oryndardaǵy Qazaqstan (U17) men Moldovada (U16) úsh-úshten upaı bar. Ázirge kósh sońyndaǵy Belarýs (U16) órenderiniń qorjyny bos, eshqandaı upaı alǵan joq.

Ende qazaqstandyq órender 6 aqpanda Moldova (U16) quramasymen kezdesedi.