Fýtbol: Qazaqstan Vengrııa qaqpasyna 10 mınýtta 2 gol soqty
ASTANA. QazAqparat - Fýtboldan Qazaqstan quramasy Vengrııamen joldastyq kezdesý ótkizýde, dep habarlaıdy QazAqparat.
Vengrııa astanasy Býdapeshtte ótip jatqan matchtyń alǵashqy on mınýtynda eki gol soǵyldy. Kezdesýdegi birinshi buryshtama dobyn oryndaǵan qazaqstandyqtar esep ashty. Baýyrjan Islamhan usynǵan pasty Roman Murtazaev golǵa aınaldyrdy. Bul - "Astana" shabýylshysynyń el quramasy sapyndaǵy 10-oıynyndaǵy birinshi nátıjeli soqqysy. Munan soń Qazaqstan quramasy Baqtıer Zaınýtdınovtiń kómegimen ekinshi golyn soqty. Oǵan reseılik "Ýfa" oıynshysy Erkebulan Seıdahmet múmkindik jasady.
Aıta keteıik, jerlesterimiz majarlarǵa qarsy myna qurammen shyqty:
Nenad Erıch (Q), Dmıtrıı Shomko, Sergeı Malyı, Evgenıı Postnıkov, Abzal Beısebekov, Islambek Qýat, Baqtıer Zaınýtdınov, Baýyrjan Islamxan, Roman Murtazaev, Erkebulan Seıdaxmet, Sergeı Hıjnıchenko.
