Fýtbol: Qazaqstan ulttyq quramasy Kosovomen joldastyq ótkizedi
NUR-SULTAN. QazAqparat – Fýtboldan Qazaqstan ulttyq quramasy 4 maýsym kúni Kosovomen joldastyq kezdesý ótkizedi, dep habarlaıdy QazAqparat tilshisi.
Qazaqstan fýtbol federatsııasy málim etkenindeı, eki jaqty kelissózder aıaqtalyp, ÝEFA oıynnyń ótýine ruqsat berdi.
Match Kosovo astanasy Prıshtına qalasyndaǵy «Fadıl Vokrı» stadıonynda ótedi dep josparlanyp otyr.
Kosovo men Qazaqstan quramalary osy ýaqytqa deıin eshqandaı kezdesý ótkizbegen. Degenmen Kosovo quramasynyń múshesi Bernard Berısha Marat Bystrovpen birge Reseıdiń «Ahmat» klýbynda birge oınap júr. Al Kosovo quramasynyń basty juldyzy – ıtalııalyq «Latsıo» klýbynyń shabýylshysy Vedat Mýrıkı.
Talǵat Baısýfınovtiń shákirtteri sondaı-aq 7 maýsym kúni taǵy bir joldastyq kezdesý ótkizedi. «Gol emes!» telegram-kanaly Qazaqstan quramasynyń Aýstrııada Maltamen oınaıtyny jóninde habarlap úlgerdi. Ázirge Malta tarabynyń kelisimi kútilýde.
