Fýtbol: Qazaqstan Ulttar lıgasynda alǵashqy oıynyn Almatyda ótkizedi
NUR-SULTAN. QazAqparat - Qazaqstan quramasy fýtboldan 2020/2021 jylǵy Ulttar lıgasyndaǵy óz alańynda bolatyn alǵashqy kezdesýin Almatyda ótkizedi, dep habarlaıdy QazAqparat tilshisi.
Esterińizge sala ketelik, qazaqstandyq fýtbolshylar alǵashqy týrda 4 qyrkúıekte óz alańynda Belarýsti qabyldaıdy. Atalǵan oıyn Almaty qalasyndaǵy «Ortalyq» stadıonda bolady dep josparlanyp otyr. Ulttyq qurama budan buryn óz oıyndaryn ótkizip júrgen elordadaǵy «Astana-arena» stadıonynda jasandy tósenish aýystyrylýda. Ol qyrkúıek aıyna deıin daıyn bolmaýy múmkin.
Qazaqstan quramasy qyrkúıek-qarasha aılarynda Ulttar lıgasynda S lıgasynyń tórtinshi tobynda Albanııa, Belarýs jáne Lıtvamen sheberlik baıqasady.
Sondaı-aq, qazaqstandyq fýtbolshylar 11 qarashada syrt alańda Chernogorııamen kezdesedi.
