Fýtbol: Qazaqstan ÝEFA reıtınginde - 29-orynda
ASTANA. QazAqparat - Eki aıdan keıin Qazaqstan klýbtary úshin Eýrokýbok dodasy bastalady.
Áýeli Eýropa lıgasynda baq synaıtyn komandalarymyz alǵashqy oıyndaryn ótkizedi.
19 maýsym kúni Chempıondar lıgasy men Eýropa lıgasynyń birinshi jáne ekinshi irikteý satysyndaǵy oıyndarynyń jerebesi tartylady. «Astana», «Qaırat», «Ertis» jáne «Ordabasy» tórteýi alǵashqy qarsylastaryn biletin bolady.
«Astana» Chempıondar lıgasyn ekinshi irikteý satysynan bastaıdy. Bul kezeńniń oıyndary 11/12 jáne 18/19 shilde kúnderi ótedi. Bul lıganyń birinshi irikteý kezeńinde 10 komanda ǵana oınaıdy.
«Qaırat», «Ertis» jáne «Ordabasy» úsheýi Eýropa lıgasyn birinshi irikteý satysynan bastaıdy. Bul kezeńdegi oıyndaryn 29 maýsymda jáne 6 shildede ótkizedi. Al ekinshi irikteý satysynyń oıyndary 13 jáne 20 shildege belgilengen.
Osy eki matchtyń arasynda Chempıondar lıgasy men Eýropa lıgasynyń úshinshi irikteý satysyndaǵy oıyndardyń jerebesi tartylady. Qazir Qazaqstan ÝEFA-nyń klýbtyq koeffıtsıenter kestesinde - 29-orynda. Jalǵyz «Astana» emes, basqa klýbtarymyz da alǵashqy kezeńderden ótetin bolsa, upaı qorymyz molaıyp, tómendegi kestede joǵarylaı beretin bolamyz.
Derekkóz: Astana fýtbol federatsııasy.
