Fýtbol: Qazaqstan U21 quramasy joldastyq kezdesýde Ózbekstan U20 quramasyna ese jiberdi

ASTANA. KAZINFORM - Tashkentte ótken matchta Denıs Mamonov jattyqtyratyn fýtbolshylar Ózbekstannyń U20 quramasynan 1:0 esebimen jeńildi.

Oıynnyń 84-mınýtynda Qazaqstan jastar quramasynyń qorǵaýshysy óz aıyp alańynda qatelesip, ony 17 nómirli jeıdedegi fýtbolshy Abdýrahmonov ońtaıly paıdalanyp, jeńisti goldy soǵyp ketti. 

Buǵan deıin jastar Eýro-2027 irikteýi aıasynda Andorra (0:1) men Anglııadan (0:2) esebimen jeńildi.

Aıta keteıik, qos qurama arasynda ekinshi joldastyq kezdesý ótedi. Match 14 qazanǵa josparlandy. 

Buǵan deıin Soltústik Makedonııa quramasy Qazaqstanǵa qarsy quramyn jarııalaǵanyn jazǵanbyz.