Fýtbol: Qazaqstan sýperkýbogy Qostanaıda ótedi
NUR-SULTAN. QazAqparat - Fýtboldan Qazaqstan sýperkýbogy Qostanaı qalasynda ótkiziledi, dep habarlaıdy QazAqparat tilshisi.
Esterińizge sala ketelik, bıylǵy fýtbol maýsymy 29 aqpanda ótetin sýperkýbok oıynymen bastalady. Bul básekede byltyr chempıon atanǵan elordalyq «Astana» men Qazaqstan kýbogyna qol jetkizgen Qyzylordanyń «Qaısar» komandalary kezdesedi. Match Qostanaı qalasyndaǵy «Tobyl Arena» manejinde ótedi.
Sondaı-aq, búgin 2020 jylǵy Premer-lıga komandalary arasyndaǵy oıyn kúntizbesi jasaldy. Alǵashqy týr 7 naýryzda ótkiziledi. Bul kúni «Astana» men «Qyzyljar», «Qaısar» men «Ertis», «Ordabasy» men «Oqjetpes», «Qaırat» pen «Taraz», «Tobyl» men «Shahter», «Kaspıı» men «Jetisý» komandalary kezdesedi.
Budan buryn «Qaısarǵa» Kabo-Verde quramasynyń oıynshysy kelgenin habarlaǵan edik.
