Fýtbol: Qazaqstan men Moldova quramalary 21 naýryzda kezdesedi
ASTANA. QazAqparat - Fýtboldan Qazaqstan jáne Moldova quramalarynyń kezdesýi ótetin kún belgili boldy. Qos qurama 21 naýryzda Túrkııanyń Antalııa qalasynda oınaıdy, dep habarlaıdy QazAqparat tilshisi.
Budan buryn joldastyq kezdesý ótetin kún qosymsha habarlanatynyn aıtylǵan edi.
Aıta keterligi, oǵan qos eldiń tól birinshiliginde oıyn kórsetetin fýtbolshylar qatysady.
Qos qurama buǵan deıin tórt márte kezdesken. Oıyndardyń barlyǵy Túrkııanyń Antalııa qalasynda ótkizildi. 2008 jyldyń 6 aqpanynda Moldova fýtbolshylary bizdiń quramany 1:0 esebimen jeńdi. Al 2010 jyldyń 3 naýryzynda bizdiń fýtbolshylar olardan dál osy eseppen taǵy jeńilip qaldy. 2013 jyldyń 6 aqpanynda ótken kezdesýde Qazaqstan quramasy atalmysh qarsylasyn 3:1 esebimen tize búktirdi. 2015 jyldyń 18 aqpanynda bolǵan oıyn 1:1 esebimen teń aıaqtaldy.
Aıta keterligi, eki qurama buǵan deıin birde-bir márte resmı kezdesý ótkizip kórgen joq.
Bul - bizdiń quramanyń 2020 jylǵy Eýropa birinshiliginiń irikteý kezeńi aldyndaǵy daıyndyǵy bolady.
Esterińizge sala ketelik, irikteý kezeńinde Qazaqstan fýtbolshylary I tobyna tústi. Qarsylastary - Belgııa, Reseı, Shotlandııa, Kıpr jáne San-Marıno quramalary.
Qazaqstan quramasy 21 naýryzda óz alańynda Shotlandııanny qabyldaıdy.
