Fýtbol: Qazaqstan men Chernogorııa jastary Aqtóbede kezdesedi
ASTANA. QazAqparat - Fýtboldan jastar arasyndaǵy 2019 jylǵy Eýropa chempıonatynyń irikteý týrnırinde Qazaqstan jastar quramasy 1 qyrkúıek kúni Chernogorııa fýtbolshylaryn Aqtóbede qabyldaıdy. Match Qobylandy batyr atyndaǵy Ortalyq stadıonda ótedi, dep habarlaıdy Qazaqstannyń fýtbol federatsııasy .
Qazaqstan jastar quramasy irikteý týrnırindegi alǵashqy kezdesýin 28 naýryz kúni syrt alańda Lıýksembýrg quramasymen ótkizip, 2:1 esebimen jeńiske jetken bolatyn.
Aıta keteıik, Qazaqstan jastar quramasy alǵash ret Aqtóbede 2007 jyly Grýzııa jastar quramasyn qabyldady. Al, ótken jyly bizdiń fýtbolshylar Qobylandy batyr atyndaǵy Ortalyq stadıonda Anglııa jáne Norvegııa quramalarymen oınady.
