Fýtbol: Qazaqstan men Chernogorııa quramalarynyń kezdesýi 11 qarashaǵa belgilendi
NUR-SULTAN. QazAqparat - Fýtboldan Qazaqstan men Chernogorııa quramalary joldastyq kezdesý ótkizý jóninde resmı túrde kelisimge keldi, dep habarlaıdy QazAqparat tilshisi.
Qazaqstan fýtbol federatsııasy jáne Chernogorııa fýtbol odaǵynyń bas hatshylary Bas hatshysy Azamat Aıtqojın men Momır Djýrdjevats oıyndy ótkizý týraly kelisimge qol qoıdy.
Atalǵan match 11 qarashaǵa belgilengen. Kezdesý Chernogorıa astanasy - Podgorıtse qalasynda ótkiziledi.
Esterińizge sala ketelik, Qazaqstan quramasy qyrkúıek-qarasha aılarynda Ulttar lıgasy oıyndaryna qatysyp, S lıgasynyń tórtinshi tobynda Albanııa, Belarýs jáne Lıtvamen sheberlik baıqasady. Al Chernogorııa atalǵan lıganyń birinshi tobynda Kıpr, Lıýksembýrg jáne Ázerbaıjanmen oınaıdy.
Buǵan deıin eki qurama úsh márte kezdesti. Barlyǵynda Chernogorııa jeńiske jetti.
Chernogorııa quramasy 2007 jyldan beri álemdik fýtboldaǵy túrli jarystarǵa qatysyp keledi. Ázirge álem jáne Eýropa chempıonattary fınaldyq kezeńine shyǵa alǵan joq. FIFA jarııalaǵan sońǵy reıtıngte olar 64-orynda tursa, Qazaqstan quramasy 118-orynda.
