Fýtbol: Qazaqstan men Ázerbaıjan ulttyq quramalary naýryzda Antalııada kezdesedi
ASTANA. QazAqparat - Qazaqstan fýtbol federatsııasy men Ázerbaıjan fýtbol qaýymdastyǵy eki eldiń ulttyq quramalary arasynda joldastyq match ótkizý jóninde kelisimge keldi. Oıyn 26 naýryz kúni Túrkııanyń Antalııa qalasynda ótedi. Bul týraly Qazaqstan fýtbol federatsııasynyń baspasóz qyzmetinen habarlady.
Aıta ketý kerek, Qazaqstan men Ázerbaıjan quramalary Eýropa Chempıonatynyń irikteý týrnıri aıasynda 4 oıyn ótkizip, 3 ret joldastyq matchta kezdesken bolatyn. Eki oıynda Qazaqstan fýtbolshylary jeńiske jetse, eki oıynda Ázirbaıjan quramasy basym tústi. Al, úsh oıyn teń aıaqtaldy. Eki eldiń quramasy arasyndaǵy sońǵy match 2011 jyly ótken edi.
