Fýtbol: Qazaqstan - Latvııa. Esep - 0:0
ASTANA. 13 maýsym. QazAqparat - EÝRO - 2013 U-21 (21 jasqa deıingi) chempıonatynyń irikteý týrnıri aıasynda kezdesken Qazaqstan men Latvııanyń jastar quramalary keshegi oıynda teń tústi.
«Astana-Arena» stadıonynda ótken kezdesýde qazaqstandyq fýtbolshylardyń basymdyǵy baıqaldy. Sergeı Lısenkov latvııalyq qaqpashy Artýr Vaıchýlıspen eki márte betpe-bet kezdesti. Baýyrjan Jolshıev, Vıktor Dmıtrıenko, Alekseı Şetkın men Dmıtrıı Shomkonyń soqqylary da qarqyndy boldy. Degenmen, barlyq shabýyldar dittegen maqsatqa jete almady. Oıynnyń qorytyndysy - 0:0.
Osylaısha, Qazaqstan quramasy alty kezdesýdiń úsheýinde jeńilip, úsheýinde teń tústi. Bizdiń qorjynymyzda - úsh upaı. Latvııa fýtbolshylary bolsa, sońǵy orynda qaldy. Biraq osy oıynnan keıin bir upaıǵa ıe boldy. Qyrkúıektiń 7-si kúni bizdiń komanda latvııalyqtarmen taǵy bir oıyn ótkizbek.
2013 jylǵy U-21 Eýropa chempıonatynyń aqtyq syndary Izraılde ótedi. Qazirgi irikteý týrnırinde álemniń 52 komandasy qatysýda. Olar on topqa bólingen. Árbir toptyń jeńimpazdary, sondaı-aq ekinshi orynǵa ıe bolǵan úzdik tórt komanda fınalǵa joldama alady. Olar jeti jup bolyp ózara kúsh synasatyn bolady.
