Fýtbol: Qazaqstan qyzdary Ózbekstan quramasymen teń tústi
ASTANA. QazAqparat - Bishkekte fýtboldan bastalǵan «Úmit» halyqaralyq týrnıriniń alǵashqy oıynynda 17 jasqa deıingi Qazaqstan men Ózbekstannyń qyzdar quramalary kezdesti, dep habarlaıdy QazAqparat tilshisi.
QR Fýtbol federatsııasy taratqan málimetterine súıensek, Qazaqstan qyzdar quramasy kezdesýdiń onynshy mınýtynda esep ashty. Gol soqqan Qazaqstan quramasynyń kapıtany - Leıla Sadyqova. Ózbekstan quramasy araǵa on mınýt salyp tarazy basyn teńestirdi. Kózge túsken Kamola Erkınova bolatyn.
Ekinshi taım tolyqtaı Qazaqstan quramasynyń basymdyǵymen ótti. Kezdesýdiń 72-mınýtynda Qazaqstan quramasynyń kapıtany Leıla Sadyqovanyń gol soǵatyn múmkindigi boldy. Al, oıynnyń sońǵy mınýtynda Sabına Mahamatova týra soqqy jasady. Eki sátte de soqqyny kezdesýdiń úzdik oıynshysy atanǵan Ózbekstan quramasynyń qaqpashysy Angelına Polıýshkevıch qaıtara bildi.
Orynbasar Dáýrenbekovanyń shákirtteri kelesi oıynyn 19 shilde kúni Qyrǵyz Respýblıkasynyń quramasyna qarsy ótkizedi. Match Astana ýaqytymen 18:00-de bastalady.
Qazaqstan - Ózbekstan - 1:1 (1:1)
Goldar: L.Sadyqova 10 - Erkınova 21
Qazaqstan: Orazbekova, Sholaqova, Tashmet (Ábilǵazıeva 85), Ivanova, Kenjetaı, L. Sadyqova (k), Áıtimbetova, A. Shalmuqanbetova (Mahamatova 80), Býrova, F. Ismaılova, Kópjanova (Hasenova 52).
