Fýtbol: Qazaqstan quramasynyń shabýylshysy «Astanadan» ketti
NUR-SULTAN. QazAqparat – Fýtboldan Qazaqstan ulttyq quramasynyń shabýylshysy Roman Murtazaev «Astanadan» ketti, dep habarlaıdy QazAqparat tilshisi.
«Astana» fýtbol klýby málim etkendeı, oıynshymen kelisimshart merzimi bitti.
Komandaǵa 2017 jyldyń basynda kelgen Roman «Astana» quramynda úsh jylyn ótkizdi. Osy merzimde ol «Astanamen» birge úsh márte Qazaqstan chempıondyǵy men sýperkýbokty utyp aldy. Sondaı-aq Eýropa lıgasynyń toptyq kezeńinde óner kórsetti.
«Astana» fýtbol klýby Roman Mýrtazaevqa komanda jeńisine qosqan úlesi úshin alǵysyn aıtyp, sporttyq jolyn tabyspen jalǵastyrýyna tilektestigin bildirdi.
Qazirgi kezde jańa maýsym aldynda barlyq komandalarda aýys-túıister bolyp jatyr.
Al premer-lıgada óner kórsetetin Kókshetaýdyń «Oqjetpesi» bas bapker Andreı Karpovıchke taǵy da senim artyp, eńbek shartyn jalǵastyratynyn jarııa etti.
Eske sala keteıik, budan buryn Qazaqstan quramasynyń Armenııamen joldastyq kezdesý ótkizetinin jazǵan bolatynbyz.
