Fýtbol: Qazaqstan quramasynyń oıynshysy «Tobylǵa» aýysty
NUR-SULTAN. QazAqparat – Qazaqstan ulttyq quramasynyń oıynshysy Serikjan Mýjıkov qostanaılyq «Tobyl» komandasyna alyndy, dep habarlaıdy QazAqparat tilshisi.
«Tobyl» fýtbol klýby málim etkenindeı, jartylaı qorǵaýshymen bir jylǵa kelisimshart jasaldy.
Serikjan sporttyq jolyn taldyqorǵandyq «Kóksý» komandasynda bastady. Sosyn jeti jyl boıy «Jetisý» namysyn qorǵady. Sonyń quramynda el chempıonatynyń kúmis júldegeri atandy. «Jetisý» quramynda Eýropa lıgasynda komandanyń jalǵyz golyn soqty.
S.Mýjıkov 2014 jyly «Astanaǵa» keldi. Elordalyq klýbpen birge alty márte Qazaqstan chempıony, kýbok pen sýperkýbok ıegeri atandy. 2015 jyly jalgerlik negizde «Qaısarda» oınady.
S.Mýjıkov el quramasy sapynda 23 match ótkizip, bir gol soqty.
Eske sala keteıik, budan buryn Qazaqstan quramasynyń taǵy bir oıynshysy «Astanadan» ketkenin jazǵan bolatynbyz.
Foto: fctobol.kz
