Fýtbol: Qazaqstan quramasynyń oıynshysy «Aqjaıyqtan» «Turanǵa» aýysty
ORAL. QazAqparat – Qazaqstan ulttyq quramasynyń oıynshysy Erkin Tapalov Oraldyń «Aqjaıyǵynan» «Turanǵa» aýysty, dep habarlaıdy QazAqparat tilshisi.
Túrkistandyq klýbtyń baspasóz qyzmeti málim etkenindeı, E.Tapalovpen kelisimshartqa qol qoıylǵan.
Oral fýtbolynyń túlegi Erkin Tapalov ótken maýsymda «Aqjaıyq» sapynda 25 match ótkizip, 2 gol soqty. Ol sondaı-aq Qazaqstan quramasyna shaqyrylyp, alǵashqy kezdesýlerin ótkizgen bolatyn.
E.Tapalov óziniń Instagramdaǵy paraqshasynda basqa klýbqa ketetinin málimdep, «Aqjaıyq» komandasynyń basshylyǵyna, ótken jyly qoldaý kórsetken jankúıerlerdiń bárine alǵysyn bildirdi.
Eske sala keteıik, budan buryn Lıtva quramasynyń oıynshysy «Aqjaıyqqa» alynǵanyn jazǵan bolatynbyz.
