Fýtbol: Qazaqstan quramasynyń qarsylasy Túrkııany áıgili bapker G. Hıddınk jattyqtyrady
ASTANA. Aqpannyń 18-i. QazAqparat /Ernur Aqanbaı/ - Fýtboldan 2012 jylǵy Eýropa chempıonatynyń irikteý kezeńinde «A» tobyndaǵy Qazaqstan quramasynyń qarsylastarynyń biri - Túrkııa quramasyn áıgili gollandııalyq bapker Gýs Hıddınk jattyqtyratyn boldy,
dep habarlaıdy QazAqparat .
«Bizdiń sport» saıtynyń málimetinshe, qazirgi tańda Reseı quramasyn jattyqtyryp júrgen G. Hıddınktiń Reseı Fýtbol federatsııasymen aradaǵy kelisimsharty aǵymdaǵy jylǵy shildeniń 30-da aıaqtalady. Al, tamyzdyń 1-nen bastap G. Hıddınk resmı laýazymyna kirisip, Túrkııa quramasyn jattyqtyra bastaıdy. Osylaısha, talaı komandanyń tasyn órge súıregen bilikti maman Túrkııa quramasyn «Eýro-2012» chempıonatynyń irikteý týrnırine daıyndaıtyn bolady.
Aıta keteıik, Varshavada tartylǵan «EÝRO-2012» irikteý dodasynyń jerebesi boıynsha Qazaqstan quramasy Germanııa, Túrkııa, Avstrııa, Belgııa jáne Ázirbaıjan komandalarymen birge «A» tobynda synǵa túsedi. Eýropa birinshiliginiń irikteý oıyndary 2010 jyldyń qyrkúıek pen 2011 jyldyń qarasha aılarynyń aralyǵynda ótedi.
