Fýtbol: Qazaqstan quramasynyń qaqpashysy úzdikter qataryna endi
NUR-SULTAN.QazAqparat – Fýtboldan Qazaqstan quramasynyń qaqpashysy UEFA Ulttar lıgasyndaǵy úzdik qaqpashylar qataryna endi, dep habarlaıdy QazAqparat tilshisi.
UEFA-nyń resmı saıty Ulttar lıgasynyń statıstıkasyn jarııalady.
Seıv jasaǵan úzdik qaqpashylardyń bestigine Qazaqstan quramasynyń oıynshysy Stas Pokatılov ta kirdi. Ol óz qaqpasyna baǵyttalǵan 12 soqqyny qaıtarǵan. Orta eseppen bir kezdesýde 4 seıv jasaǵan. Stas Ulttar lıgasyndaǵy 3 oıynda qaqpasyna tek 2 márte gol jiberdi.
Sondaı-aq, úzdik qaqpashylardyń reıtıngine Anton Shýnın (Reseı, 14 seıv), Domınık Lıvakovıch (Horvatııa, 13), Georgıı Býşan (Ýkraına, 12) jáne Kıpr Teterýshaný (Rýmynııa, 12) kirdi.
Aıta keteıik, keshe UEFA Ulttar lıgasynda Qazaqstan quramasyn óz alańynda Albanııamen kezdesti. Oıyn 0:0 esebimen teń aıaqtaldy.
Qazaqstan quramasy endi 14 qazanda Belarýspen syrt alańda oınaıdy.
