Fýtbol: Qazaqstan quramasynyń bas jattyqtyrýshysy bolyp cheh mamany Mıroslav Beranek taǵaıyndaldy

M. Beranek budan buryn chehııalyq 1 dıvızıondy fýtbol klýbtaryn jattyqtyrýmen qatar, 2002-2006 jyldar aralyǵynda Chehııa ulttyq quramasy bas jattyqtyrýshysynyń assıstenti qyzmetterin atqarǵan.

«Ókinishke qaraı, qarasha aıynda biz bas bapkersiz qalǵan bolatynbyz. Búginge deıin kóptegen kandıdattardy saralaı kele, cheh mamanyna toqtadyq. Jańa bas jattyqtyrýshyǵa Eýropa chempıonatynyń irikteý týrlarynda top ishinde Ázirbaıjan quramasynyń aldyn oraý mindeti qoıylyp otyr», - dedi Qazaqstan fýtbol federatsııasynyń Bas hatshysy Saıan Hamıtjanov.

M. Beranek jattyqtyrýshylyq ǵumyrynda birqatar jetistikterge jetken. 2000 jyly Chehııa jastar quramasy (U-21) bas jattyqtyrýshysynyń kómekshisi qyzmetinde Eýropanyń vıtse-chempıony, 2002 jylǵy jastar quramasynyń bas jattyqtyrýshysy qyzmetimen Eýropa chempıony, sondaı-aq, 2002 jylǵy Chehııa Kýbogi ıegeri - bas jattyqtyrýshy, 2004 jylǵy Eýropa chempıonatynyń qola júldegeri - bas jattyqtyrýshynyń kómekshisi jáne 2007 jyly Vengrııa chempıony - bas jattyqtyrýshy bolǵan.

«Men Qazaqstan týraly, eldiń saıası-ekonomıkalyq jaǵdaıy týraly jaqsy bilemin. Meniń jańa qyzmetimde birqatar mindetter qoıylyp otyr. Osy ýaqytqa deıin Chehııa quramasymen kóp jyl jumys istedim. Endi sol tájirıbemdi Qazaqstan quramasyn jattyqtyrýǵa arnaımyn», -deıdi M. Beranek.