Fýtbol: Qazaqstan quramasynyń bas jattyqtyrýshysy B. Shtorkpen jasalǵan kelisimshart úzildi
; ALMATY. Qazannyń 15-i. QazAqparat /Erlik Erjanuly/ - "Ulttyq quramanyń Bas bapkeri Bernd Shtorktyń aldyna 2012 jylǵy Eýropa chempıonatynyń irikteý kezeńinde 4 matchtan 3 upaı jınaý týraly mindet qoıylǵan bolatyn.
Bul mindet oryndalmady. Keshe Atqarý komıtetiniń májilisi kelisimshartty uzartpaý týraly sheshim shyǵardy". Bul týraly búgin Almatydaǵy QR Fýtbol federatsııasynda ótken baspasóz máslıhatynda aıtyldy.
"Qazirgi tańda biz jańa Bas bapkerdi izdeýdi bastadyq. Jańa jyldyń basynda jańa taǵaıyndaý týraly habarlaımyz. Shtork myrza ulttyq quramany 2008 jyldan beri, ıaǵnı 2010 jylǵy Álem chempıonatynyń irikteý kezeńinen basqarady. Onyń jetekshiligimen ulttyq qurama 14 match ótkizip, onyń 11-inde utylyp, úsheýinde jeńiske jetti", deıdi QR Fýtbol federatsııasynyń vıtse-prezıdenti Vıktor Katkov.
