Fýtbol: Qazaqstan quramasy Tájikstandy jeńdi
Búgingi kezdesýde quramalar oıyn basynan bir-biriniń osal tubyn tabýǵa tyrysty. Alǵashqy mınýttarda qonaqtar shabýylǵa kóbirek shyqty. Dese de ýaqyt óte kele qazaqstandyq fýtbolshylar tizgindi qolǵa alýǵa kúsh saldy. Nátıjesinde 12-mınýtta Baktıer Zaınýtdınov tájikstandyq qaqpashynyń qateligin tıimdi paıdalanyp ketti.
Ekinshi kezeńde quramalar tablodaǵy esepti ózgertýge tyrysty. Qos qurama oıynshylary óz múmkindikterin paıdalana alǵan joq.
Kezdesýde Qazaqstan quramasy qarsylasynan 1:0 esebimen basym tústi.
Eki qurama buǵan deıin tórt márte kezdesti. Olardyń barlyǵy joldastyq kezdesý bolyp tabylady. Tórt kezdesýde qazaqstandyq fýtbolshylar basymdyq tanytsa, bir oıynda teń nátıje tirkeldi.
Aıta keteıik, 2022 jylǵy álem chempıonaty irikteý satysynda qazaqstandyq qurama D tobynda synǵa tústi. Qarsylastary - Frantsııa, Ýkraına, Bosnııa jáne Gertsogovına, Fınlıandııa. Ulttyq qurama nebári úsh upaı jınap, óz tobynda sońǵy oryndy mise tutty.