Fýtbol: Qazaqstan quramasy Soltústik Makedonııaǵa ese jiberdi
NUR-SULTAN. QazAqparat - Búgin, 4 maýsymda fýtboldan Qazaqstan quramasy Soltústik Makedonııamen joldastyq kezdesý ótkizdi, dep habarlaıdy QazAqparat tilshisi.
Aıta keteıik, qazaqstandyq quramaǵa Soltústik Makedonııa Eýropada kezdesip otyrǵan 39-shy qarsylasy atanbaq. Eki qurama buǵan deıin kezdesip kórgen emes .
Ázirge qazaqstandyqtar olardan ózge Bosnııa men Gertsegovına, Gıbraltar, Izraıl, Ispanııa, Italııa, Kosovo, Lıhtenshteın, Lıýksembýrg, Norvegııa, Soltústik Irlandııa, Slovakııa, Slovenııa, Ýels jáne Shveıtsarııa quramalarymen kúsh synasqan joq.
Búgingi kezdesýdiń alǵashqy kezeńinde alań ıeleri tizgindi óz qolyna alýǵa tyrysqan edi. Dese de oǵan qazaqstandyq fýtbolshylar laıyqty qarsylyq kórsetti.
Esepti 35-mınýtta Egzııan Alıoskı ashty. Odan keıin 45-mınýtta qazaqstandyq Serikjan Mýjıkov qyzyl qaǵaz alyp, alańnan qýyldy. Osylaısha eki kezeńniń óne boıynda qazaqstandyq qurama on fýtbolshymen oıyn kórsetýge májbúr boldy.
Ekinshi kezeńde Ivan Trıchovskı 57, Mılan Rıtsovskı 74, Darko Chýrlınov 76-mınýttarda mergendik tanytty.
Eske salsaq, Soltústik Makedonııa 2020 jylǵy Eýropa chempıonaty fınaldyq satysynda S tobynda oıyn kórsetedi. Qarsylastary - Ýkraına, Avstrııa jáne Nıderlandy quramalary. Toptyq kezeń oıyndary 13, 17, 21 maýsym kúnderi bolady.
