Fýtbol: Qazaqstan quramasy naýryzda Lıtvamen oınaıdy
NUR-SULTAN. QazAqparat - Fýtboldan Qazaqstan ulttyq quramasy naýryz aıynda Lıtvamen joldastyq kezdesý ótkizedi, dep habarlaıdy QazAqparat tilshisi Qazaqstan fýtbol federatsııasyna silteme jasap.
Esterińizge sala ketelik, 2020 jyldyń 23-30 naýryz aralyǵynda ulttyq qurama Talǵar qalasynda oqý-jattyǵý jıynyn ótkizedi. Daıyndyq sharasy barysynda Almatyda eki joldastyq kezdesý ótkizý josparlanǵan. Aldymen 27 naýryzda Lıtvamen sheberlik baıqassa, 30 naýryzda Armenııamen oınaıdy.
Qazir Lıtva quramasyn 52 jastaǵy maman Valdas Ýrbonas jattyqtyrady. 2020 jylǵy Eýropa chempıonaty irikteý kezeńinde atalmysh qurama V tobynda Ýkraına, Portýgalııa, Serbııa, Lıýksembýrg quramalarymen oıyn kórsetti. FIFA-nyń sońǵy reıtıngi boıynsha 131 orynda tur. Al Qazaqstan atalmysh reıtıngte 118 orynda.
Eki qurama budan buryn bir márte kezdesti. 2014 jyldyń 5 naýryzynda Túrkııanyń Antalııa qalasynda ótken joldastyq kezdesýde 1:1 esebi tirkeldi.
