Fýtbol: Qazaqstan quramasy Maltamen joldastyq kezdesý ótkizedi
NUR-SULTAN. QazAqparat - Fýtboldan Qazaqstan quramasy maýsym aıynda Maltamen joldastyq kezdesý ótkizedi, dep habarlaıdy QazAqparat tilshisi.
Bul jóninde Qazaqstan fýtbol federatsııasy málim etti. Kezdesý Aýstrııanyń Volfsberg qalasyndaǵy «Lavental Arena» stadıonynda 7 maýsymda bolady.
Eki qurama buǵan deıin 2003 jyly Malta astanasy - Valetta qalasynda sheberlik baıqasty. Onda 2:2 esebi tirkeldi.
Esterińizge sala keteıik, 4 maýsymda kúni Qazaqstan quramasy Kosovo astanasy - Prıshtına qalasynda sol eldiń fýtbolshylarymen joldastyq kezdesý ótkizedi.
Aıta keteıik, 2022 jylǵy álem chempıonatyna Eýropa qurlyǵyndaǵy irikteý kezeńinde Qazaqstan D tobynda synǵa túsip jatyr. Qarsylastary - Frantsııa, Ýkraına, Fınlıandııa, Bosnıa jáne Gertsogovına.
Ázirge eki kezdesý ótkizdi. Óz alańynda Frantsııadan 0:2 esebimen jeńilip, syrt alańda 1:1 esebimen teń tústi. Eki oıynda bir upaı jınaǵan Qazaqstan quramasy besinshi orynda tur.
