FÝTBOL: Qazaqstan quramasy Qyrǵyzstannan jeńilis tapty
ASTANA. QazAqparat - Qazaqstannyń fýtboldan ulttyq quramasy Qyrǵyz quramasynan jeńilip qaldy, dep jazady Sports.kz.
Bishkekte «Spartak» stadıonynda ótken kezdesýde 2:0 esebimen alań ıeleri jeńiske jetti. Gol avtorlary: Valerıı Kıchın men Mırlan Mýrzaev.
Aıta keteıik, jekeleı kezdesýde Qyrǵyz quramasy alǵash ret Qazaqstan quramasyn jeńip otyr. Buǵan deıin qos eldiń quramasy 7 ret kezdesken. Sonyń beseýinde jerlesterimiz basym tússe, eki oıyn teń aıaqtalǵan.
Bul oıyn Qazaqstan quramasynyń Polshaǵa 2018 jylǵy álem chempıonatynyń irikteý týrnıri aıasynda resmı kezdesýge attanar aldyndaǵy sońǵy oıyny bolatyn.
