FÝTBOL: Qazaqstan quramasy Irlandııadan jeńilis tapty
ASTANA. 16 qazan. QazAqparat - 2014 jyly Brazılııada ótetin fýtboldan álem chempıonatynyń eýropalyq matchtary aıaqtaldy. Qazaqstan quramasy sońǵy oıynyn Irlandııada jergilikti komandaǵa qarsy ótkizgen bolatyn.
Áldeqashan álem birinshiliginde dop tebýden kúder úzgen qos komanda arasyndaǵy oıynda bizdiń jigitter 1:3 esebimen jeńilis tapty.
Alaıda alǵash bolyp esepti qazaqstandyqtar ashty. 13-mınýtta Dmıtrıı Shomko Ford qorǵaǵan qaqpadan sańylaý tapqan bolatyn. Alaıda birinshi taımda ırlandyqtar esepte alǵa shyǵyp úlgerdi. Alań ıeleri sapynan Robbı Kın men Djon O'Shı kózge tústi. Oıynnyń negizgi bóligi aıaqtalýǵa 12 mınýt qalǵanda alǵashqy doptyń avtory Shomko óz qaqpasyn dál kózdep, qorytyndy esepti belgiledi - 3:1.
Bizdiń qurama 10 oıynda qanjyǵasyna bes upaı baılap besinshi oryndy qanaǵat tutty.
Irlandııa - Qazaqstan 3:1 (2:1)
Goldar: Shomko 13 (0:1), Kın penaltıden 17 (1:1), O'Shı 26 (2:1), Shomko avtogol 78 (3:1)
Eskertý: Kıslıtsyn 16
Irlandııa: Ford, Koýlmen, Dann, O'Shı, Ýılson, Makkartı, Reıd, Gıbson (Ýılan 37), Stoýks (Hýlahan 87), Doıl, Kın
Qazaqstan: Sıdelnıkov, Gýrman, Karpovıch (Shabalın 84), Kıslıtsyn (Fınonchenko 32), Dmıtrenko, Şetkın (ıÝrın 61), Engel, Baıjanov, Shomko, Hıjnıchenko, Korobkın
Bas tóreshi: Vadım Dırektorenko (Latvııa).
