Fýtbol: Qazaqstan quramasy Eýropa chempıonatynyń irikteý týrnırine daıyndyǵyn bastady
ASTANA. Maýsymnyń 3-i. QazAqparat /Ernur Aqanbaı/ - Osy kúnderi fýtboldan Qazaqstan ulttyq quramasy Almaty oblysynyń Talǵar aýdanynda fýtboldan qurama komandalarǵa arnalǵan bazada oqý-jattyǵý jıynyn ótkizýde,
dep habarlaıdy QazAqparat.
Quramanyń oqý-jattyǵý jıyny maýsymnyń 5-ne deıin jalǵasatyn bolady. Onyń baǵdarlamasy aıasynda jattyǵý sabaqtarynan bólek oıynshylardyń dene kúshiniń jaǵdaıy testileýden ótkiziletin bolady.
Aıta keteıik, Almaty oblysynyń Talǵar aýdanynda fýtboldan Qazaqstannyń qurama komandalaryna arnalǵan oqý-jattyǵý bazasy ústimizdegi jylǵy mamyrdyń 31-de ashyldy. Onyń bazasynda bizdiń qurama tuńǵysh ret jattyǵyp jatyr.
Gollandııalyq maman Bernd Shtork jattyqtyratyn Qazaqstan quramasy aǵymdaǵy jyldyń qyrkúıek aıynda 2012 jylǵy Eýropa chempıonatynyń irikteý týrnırindegi jarysyn bastaıdy. Bizdiń komanda Germanııa, Túrkııa, Belgııa, Avstrııa jáne Ázirbaıjan komandalarymen birge «A» tobynda synǵa túsedi. Qazaqstandyqtar alǵashqy oıynyn qyrkúıektiń 3-inde óz alańynda Túrkııa komandasymen ótkizedi.
