Fýtbol: Qazaqstan quramasy elordada Tájikstanmen joldastyq kezdesý ótkizedi
NUR-SULTAN. QazAqparat - Búgin, 16 qarashada fýtboldan Qazaqstan quramasy elordada Tájikstanmen joldastyq kezdesý ótkizedi, dep habarlaıdy QazAqparat tilshisi.
Oıyn elorda ýaqytymen 19.00-de bastalyp, «Qazsport» telearnasynan tikeleı efırde kórsetiledi.
Eki qurama buǵan deıin tórt márte kezdesti. Olardyń barlyǵy joldastyq kezdesý bolyp tabylady. Tórt kezdesýde qazaqstandyq fýtbolshylar basymdyq tanytsa, bir oıynda teń nátıje tirkeldi.
Sońǵy ret eki qurama 2014 jyldyń 12 tamyzynda kezdesip, ol joly qazaqstandyq fýtbolshylar 2:1 esebimen basym tústi.
FIFA jarııalaǵan sońǵy reıtıngte Qazaqstan 124, Tájikstan 121- orynda keledi.
Aıta keteıik, 2022 jylǵy álem chempıonaty irikteý satysynda qazaqstandyq qurama D tobynda synǵa tústi. Qarsylastary - Frantsııa, Ýkraına, Bosnııa jáne Gertsogovına, Fınlıandııa. Ulttyq qurama nebári úsh upaı jınap, óz tobynda sońǵy oryndy mise tutty.
