Fýtbol: Qazaqstan quramasy Chernogorııadan jeńilip qaldy
ASTANA. QazAqparat- Fýtboldan 2018 jyly ótetin Álem chempıonatynyń irikteý kezeńi aıasynda uıymdastyrylǵan kezdesýde Qazaqstan ulttyq quramasy Chernogorııadan 3:0 esebimen utylyp qaldy, dep habarlaıdy «QazAqparat» HAA tilshisi.
Іrikteý kezeńiniń jetinshi «E» tobyndaǵy match búgin «Astana Arena» stadıonynda boldy. Esepti 31 mınýtta meımandar ashty. Chernogorııalyqtardan qorǵanysty buzyp shyqqan Veshovıch Tomıslav Lorııa qapy qaldyrdy. Komandalasynyń upaıyn 53 mınýtta Bechıraı Fatos dopty baspen uryp eselese, 63 mınýtta Sımıch Marko esepti 3:0-ge jetkizdi.
Birneshe múmkindik boldy degenimen, ulttyq quramamyz alań qonaqtarynan aılasyn asyra almady. Matchtyń ekinshi taımyna qosymsha 3 mınýt qosylǵanymen, qazaqstandyq fýtbolshylar jaǵdaıdy túzeı almady. Qorytyndy esep - 3:0. Jeńis alań qonaqtarynda.
Aıta keteıik, Qazaqstan ulttyq quramasy áli de «E» tobyndaǵy aýtsaıderlerdiń biri bolyp tur.
