Fýtbol: Qazaqstan kýbogynyń jartylaı fınalynda «Aqtóbe» men «Shahter» jáne «Jetisý» men «Atyraý» kezdesedi
ASTANA. Qazannyń 22-si. QazAqparat /Ernur Aqanbaı/ - Keshe, qazannyń 21-inde Qazaqstan fýtbol federatsııasynyń keńsesinde fýtboldan 2009 jylǵy Qazaqstan kýbogy úshin jarystyń jartylaı fınalynyń jerebesi tartyldy.
Jerebe nátıjesi boıynsha, aqtyq synǵa beriletin joldamalardy «Aqtóbe» (Aqtóbe) men «Shahter» (Qaraǵandy) jáne «Jetisý» (Taldyqorǵan) men «Atyraý» (Atyraý) komandalary ózara sarapqa salatyn bolady. Birinshi matchtar birinshi kórsetilgen komandalardyń alańdarynda ótedi. Oıyndar qarashanyń 7-si jáne 11-i kúnderi bolady. Al, fınal qarashanyń 15-inde elordadaǵy «Astana-Arena» stadıonynda ótedi.
