Fýtbol: Qazaqstan kýbogynyń fınaly ótetin stadıon anyqtaldy
NUR-SULTAN. QazAqparat - Fýtboldan Qazaqstan kýbogynyń fınaly Nur-sultan qalasyndaǵy «Astana-arena» stadıonynda 6 qazanda ótkiziledi, dep habarlaıdy QazAqparat tilshisi.
Esterińizge sala ketelik, fınalda Qyzylordanyń «Qaısar» jáne Atyraýdyń «Atyraý» komandalary kezdesedi. Jartylaı fınalda «Qaısar» Qostanaıdyń «Tobylyn» orta jolda qaldyrsa, «Atyraý» Shymkenttiń «Ordabasy» klýbyn tize búktirdi.
Qazaqstan kýbogy fınalyna qatysatyn «Qaısar men «Tobyl», «Shahter» men «Atyraý» komandalary arasyndaǵy oıyndar 5 qazannan 30 qazanǵa aýystyryldy.
«Qaısar» komandasy 1999 jyly kýbokqa ıe bolyp, ol joly Óskemenniń «Vostogynan» 2:1 esebimen basym tústi. 1998 jyly fınalǵa deıin jetse, 2007 jyly jartylaı fınalda baq synady. Al «Atyraý» 2009 jyly kýbok ıegeri atandy. Sol joly Qaraǵandynyń «Shahterin» 1:0 esebimen jeńgen bolatyn. Sońǵy eki jylda fınalǵa deıin jetti. Sondaı-aq, 2001, 2004 jáne 2005 jyldarda jartylaı fınalǵa shyǵa aldy.
Aıta keteıik, osy ýaqytqa deıin Almatynyń «Qaıraty» 9 márte Qazaqstan kýbogy ıegeri atandy.
Odan keıingi oryndarda «Astana-1964» (burynǵy «Jeńis») pen «Astana» komandalarynda úsh-úshten kýbok bar. Al «Ertis», «Taraz», «Vostok», «Tobyl», «Aqtóbe», «Shahter», «Atyraý», «Qaısar», «Alma-Ata», «Ordabasy», «Dostyq», «Spartak» (Semeı), SKIF-«Ordabasy» jáne «Qyzyljar» komandalary bir-bir márte jeńimpaz boldy.
